請各位唔好怪我太長氣.

話說當初牙T同牙V真對好朋友,
因為成班FD當中佢兩個比較細個,
個個都叫佢地做兩小妹.

o係前年, 我同牙T fd左.
(其實同牙V都fd, 但冇牙T咁fd)
有陣時牙T出街都係同我一齊,
少左搵牙V.
但係我同牙T住得比較遠,
牙V同佢就住得近d.

我同牙T越黎越fd,
牙T就同我講其實佢同牙V都唔係咁夾,
牙V d性格其實都有少少問題.
佢o係學校都比人排斥過幾次,
但佢都唔係好知自己咩事.
牙T係見同佢由細玩到大先繼續同佢一齊.

漸漸, 我融入左佢地之間.
d朋友都開始叫我地做三小妹.
我好天真咁以為我地3個真係好朋友.
有陣時同d fd 炒左,
我都會安慰自己,
同自己講, 至少我都仲有佢地.

但尋日, 我個夢要醒喇.
尋晚, 成班fd約左出黎食飯,
我坐左o係牙T同牙V中間.
佢兩個隔住我o係度SMS,
我問佢地做乜,
佢地又唔比我知.
我淨係見到佢地d SMS打左好多野,
幾行字. 但我睇唔到內容.

之後佢地又用d我聽唔明既暗語講野,
好似比佢地排擠左出去咁.
佢地有佢地既秘密, 心事.
但又唔會同我講.
之前佢地唔係咁架.
個心真係好難受好難受..

返到屋企,
睇到佢地打既xg,
佢地真係有好多野瞞住我.
我地之間既秘密越黎越多..
我真係好唔鈕意咁.
點解會搞成咁架?

到底, 你地有冇當我係你朋友?
抑或我一直都只係第三者?

講哂出黎舒服左好多-v-

我知..
但佢以前唔係咁架.
係好似我地之間有種隔膜咁.

唉.. 好同意以上咁多位講既野..
想搵個朋友都咁難既?