大家好呀！我係3C班主任MISS俞，。愛是無罪卍＊同學，你打錯左我既姓，今日睇到呢個POST，真係好唔開心，唔開心唔係因為有人話我樣衰，而係因為我既樣衰，令到你地鬧交，我真係好過意唔去！

。愛是無罪卍＊同學：
我唔知你係邊個，我諗係因為我肥，所以你話我個樣似豬，又因為咁，所以你覺得我個樣令你反胃，第一次睇到個post，個心有d唔舒服，不過，都想同你講聲「對唔住」，我個樣係天生既，身形既問題亦唔可以一朝一夕咁改變，所以令你睇到唔舒服，我真係過意唔去，其實我影相既時候，都唔知會post上學校網頁，令你不安，我再一次道歉，sorry！

3C同學仔：
俞俞好好好好好多謝你地既愛護，亦非常非常多謝你地既幫忙，你地咁錫我，我真係好開心，但係俞俞唔靚確實係事實，有人覺得我樣衰都冇辦法，佢開POST咁講係有少少過份，但係佢冇諗過我會睇到MA，佢又冇諗過你地個個都咁錫我，會黎撐我MA，所以你地唔好再話佢啦！你地對我既支持，俞俞收到喇！我明喇！我冇唔開心喇！我一個新黎既miss，有你地咁多人錫，仲想點呢？你地認識我，睇到我內心，當然唔會介意我外貌醜啦！唔識我既同學，當然會覺得我樣衰ma，唔好介意佢地講乜，ok？

不過，我都要講返，就算0個個同學hurt到我，你地都唔應該留d咁粗俗既說話黎話佢，我做得你地班主任，絕對唔鍾意你地用呢d咁既言語去鬧人，咁樣我係一d都唔會開心，其實有人話我樣衰，你地好似開學初咁講一句：「0個d人笑你樣衰係低級趣味，係唔尊重人」咁我已經會冇哂事

各位同學：
希望你地個個都好好相處，唔好為左我既外貌而嘈喇！

3C同學仔：
如果邊個再留D粗俗說話，就即係唔當我係班主任，即係唔錫我呢個班主任，咁到時我就真係傷心喇！我會嬲死0家！
你地笑返，我就會開心返！
^^

3C同學仔：

最後講多次，我一D事都冇！一D都唔嬲，一D唔開心都冇喇！唔好再話人，唔好再鬧人，唔好再追究，唔好再查佢係邊個，由呢一刻開始，呢件事要完喇！你地係咪真係想搞到全校都知先安樂><

你地又話對我好，而家搞到我唔開心喇！><