第2日 ...又比電話嘈醒左 ..

O都 ..O都 ...O都 ..

電話中 ..

我 :喂 ..

瑜 :BB ..你起身未呀"

我 :[即刻醒哂] 阿瑜"?

瑜 :嘻 ..做咩叫得我咁生外呀"

我 :下 ..冇 ..[即刻諗番起尋晚阿康講既事]

瑜 :SORRY呀 ..

我 :做咩事丫"

瑜 :尋晚囉 ..我飲完小小酒 ,,個頭有D痛...就訓著左 ..唔記得打比你

我 :傻瓜 ..唔緊要喇 ..咁你而家個頭仲有冇痛呀"?

瑜 :冇喇 ,,好左好多"

我 :哦 ..但到我個頭好痛呢 ..

瑜 :下 ..有冇事呀"?點解既

我 :冇事喇 ..[有佢既問候 ..心都甜哂喇] 飲左DD酒姐"

瑜 :又飲酒 ..明知你個胃都唔好架喇 ..

我 :唔緊要喇 ..好少咋嘛 ..

瑜 :下次唔准喇 "

我 :知道喇老公 ..

瑜 :傻婆 ..

我 :係呢 ..而家9點 ..你咁早起身既"

瑜 :哦 ..係呀""我又出去睇屋丫MA ..

我 :同邊個呀"?

瑜 :同DICKSON果D咋嘛 ..

我 :真係"?

瑜 :做咩呀 ..

我 :冇 ...

我 :係喇 ..我有D野想問你 ..

瑜 :嗯 ..問喇"

我 :你係咪有第2條女 ..

瑜 :[即刻變聲] 你做咩咁問 ..

我 :答我 ..

瑜 :痴線 ..冇

我 :但有人話我知 ..你有 ..仲要開學果陣已經一齊左 ..

瑜 :邊個同你講呀"

我 :你唔好理喇 ..

瑜 :一定係阿康喇 ..你仲識我邊D FD丫. ..

我 :咁係唔係丫 ..答我喇 ..

瑜 :痴線 ...我點會 ,,

我 :如果唔係 ,,點會呢段時間咁樣對我 ..

瑜 :唉 ..我講過 ..我對你已經冇左果種熱情丫你明唔明丫"!

我 :冇左果種熱情 ...

瑜 :你唔信就算喇 ..

我 :如果真係冇 ..點解人地會咁講丫"!!!!

瑜 :你唔係唔知阿康中意你丫嘛!!

我聽完真係呆左一呆 ..因為 ...我完全係冇諗過 ...都唔知道"

我 :我 ..真係唔知 ..

瑜 :岩岩同你一齊果陣 ..阿康已經想溝你 ..之後佢問我係咪認真 ..我叫佢唔好打你主意 ..到之後我係D FD口中知道 ..佢真係中意左你"

我 :所以佢要中傷你"?

瑜 :可能掛 ...

我 :邊有可能 ..佢同你咁FD"

瑜 :有時D人會比愛情蒙蔽架 ..

我 :唔怪得之 ...佢同我講你唔係好男仔 ..叫我放手喇 ..

瑜 :咪係囉 ..唔好信佢講野呀老婆 ...

我 :你仲叫我老婆做咩 ..你都話對我冇哂熱情 ..

瑜 :嗯 ..雖然係咁 ..但我都會有放唔低既時候 ..

我 :咁你比個答覆我丫 ..我唔想再咁呀 ..[喊]

我一喊 ..阿瑜就覺得好煩 ..

瑜 :你又想要乜野答覆丫"!

我 :你又唔同我分手 ..但你又一直咁樣對我 ..我都好辛苦架 ..

瑜 :我 ..真係唔識揀 ..

我 :揀"?

瑜 :我對你真係冇左以前果種感覺 ...但 ...我驚自己 ..係一時既錯覺 ..我更加唔想傷害你呀"

我 :咁 ..

瑜 :比D時間我好冇 .. :今晚 ..我一定打比你 ..答你 ..好冇"

我 :嗯 ..

瑜 :咁 ...再講喇 ..拜拜"

我 :拜拜

收左線之後 ..我好驚 ...都好亂 ..我應該信邊個 ...不過我一開始就應該信阿瑜冇對我唔住架喇 ..

係阿康攪鬼 ..一定係佢!!

今晚 ..我唔敢自己一個等電話 ...

所以都決定左 ..出去搵嘉嘉 佢地 ..

CAFE ..

芯兒 :呢邊丫 ..

我 :SORRY ..遲左 ..

嘉 :我地仲以為你唔出黎添 ..

我 :[苦笑] 原本我真係打算唔出黎架 ..

芯兒 :下 ..點解呀"

昕 :我未同佢講架 ..

芯兒 :講咩呀講咩呀 ..

我 :阿瑜佢有第2個 ..係佢個FD同我講架 ..但原來係大話黎架 ..

3個 :大話"?

我 :嗯 ..

昕 :點解呀 ..

我 :今朝阿瑜打黎比我 ..之後我問左佢 ..原來 ..阿康一開始已經想溝我 ..所以佢先咁中傷阿瑜咋 ..

芯兒 :你唔係信呀嘛 ..

嘉 :你睇下 ..連咁蠢既芯兒都唔會信喇 呢D咁既大話 ..

昕 :如其你話阿純係蠢 ..不如你話佢自欺欺人 ..

我DUM低頭 ..冇出聲 ..

因為 ..我咩都比阿昕講中哂 ..

其實 ..果個大話 ..我又點會信 ..

我唔知阿康係咪中意我 ..但就算係既 ..佢要拆散我地 ..唔會等到呢一刻囉 ..

況且佢知道我好愛阿瑜 ..同佢一定冇可能架 ...

昕 :做咩唔出聲 ,,,講中哂呀 ...

我 :我好驚呀 ..

嘉 :做咩呀. .

我 :因為我叫佢比個答覆我 ..唔好又唔同我分手 ..但又咁對我

芯兒 :佢點講呀 ..

我 :佢話對我已經冇左果種熱情囉 ...嘻 ..

嘉 :姐係玩厭左喇"

昕 :正一仆街仔黎架 ..

我 :算喇 ,,,反正佢話今晚點都會打比我 ..比個答覆

嘉 :你唔好又比佢呃到呀 ..

我 :嗯 ..唔好講我喇 ..芯兒 ..你做咩要過澳洲丫"!!

芯兒 :其實係我自己話要去架. .

我 :點解呀!!

芯兒 :我覺得自己係香港好冇用呀 ..又心野讀唔到書 ..英文又唔係叻"

我 :唔好走喇 ..我會好唔捨得你架 ..

芯兒 :我會番黎架MA ..傻婆 .,..

我 :你過去讀幾耐 ..

芯兒 :3年呀 ..酒店管理 ..

我 :酒店係香港讀都得喇 ..

嘉 :我地兩個都咁講架喇 ..

芯兒 :我想學好D英文丫 ..你地3個唔好咁喇 ..

我 :真係唔捨得你丫 ..[攬住芯兒]

芯兒 :衰野你唔好攪到我喊喇 ..

我 :[放開左] 咁幾時要走呀. .

芯兒 :都未有咁快 ..要上教育館果邊搵學校 . ..

我 :嗯 ...

芯兒 :唔好咁喇 .,.我地好好珍惜而家既日子囉 ..

嘉 :唔好講到就死咁喇

昕 :哈 ...咪係囉 ..佢會番黎架嘛 ..加上又未走 ..

我 :知道喇 ..

我地就一直咁傾傾傾 ..到2點幾 ..CAFE要閂門 ..

我都未等到想要果個電話 ..

就唯有回家 ..

呢一夜 ..佢結果都冇打黎 ...