阿樂帶我行左大概10分鐘就到左佢既渡假屋,內外都同普通既冇分別,只係比較整齊。

樂 :洗手間係左手面第2間啊,你去換左先啊

我 :嗯,好啊

我換左帶黎既衫,係一件純白色的貼身剪裁既背心,係鏡入面倒影自己玲瓏既身材,令我十分猶豫應唔應該就咁行出去,原來想換番之前件衫,但又發覺好濕仲未乾透 ....

咯咯咯 .......

樂 :阿純?

我 :係 ..咩事啊

樂 :冇啊,我見你咁耐,睇下你有咩事咋嘛

我 :哦,冇事 ...係呢,你呢度會唔會有多件衫架?

樂 :冇啵 ..你唔係有帶咩?

我 :係就係 ..不過 .....好似太性感啊

樂 :咁一係我比我件衫你著啦

我 :咁又唔好 ...算啦,唔緊要啦

我打開左門,低住頭唔敢望阿樂 ..好驚尷尬場面出現

樂 :都唔係好性感咋嘛 ..

我 :係咩?但係 ......

樂 :你唔洗驚我啵,我唔係色狼黎架,如果你怕一係著住我果件先

我 :唔係唔係,我唔係咁既意思

樂 :係呢,你肚唔肚餓,洗唔洗食d野?

我 :我唔餓啊 ...

樂 :咁你今晚會出番去定留係度啊?

沉默,根本我冇留意到阿樂講既呢一句說話 ...今日我好想攪清楚哂所有野,記得起我係咪咁愛眼前呢個男人

樂 :阿純?

我 :阿樂 ..你係咪識小嵐啊?

阿樂冇即時答覆我,只係見到佢眼神由震驚轉為欣喜,最後平淡左落黎

樂 :識,做咩

我 :我知道自己失左憶 ...亦都知道自己發生過咩事,更加知道你 ....為我做左好多

樂 :嗯,咁你覺得?

我 :其實我聽完佢講,腦入面依然一片空白 ....

樂 :其實你唔洗因為我點對你而咁執著,或者你應該將所有野重新開始

我 :我可以點重新開始?我身邊一個朋友都冇 ...我知道嘉嘉佢地係我最好既朋友 ..但我唔知自己做錯左d咩 ...而家身邊就只有阿滔一個

樂 :身邊只有阿滔一個,咁咪已經夠囉 ......唔通你咁都唔知,點解自己會冇哂朋友咩?


本來阿樂係想阿純好,無論佢同邊個一齊都好,只要佢開心就得,不過由佢口講出[身邊只有阿滔一個]呢d說話.....妒火就沒由來的起,唔通身邊只有佢一個,我呢?

我 :我知道阿滔成日陪住我 ...阿芯係會嬲,但都未至於要唔搵我?我都有叫過阿滔多d陪阿芯架

樂 :你可以忍得到?

我 :忍得到咩?

樂 :點解你可以同人地分一個男朋友咁蠢架,以前係咁,而家都係咁!!!

我 :男朋友?以前?我諗你誤會哂啦...以前既我係點我唔知,不過而家同阿滔係好朋友關係,唔似你諗得咁啊

阿樂即時反應係呆一呆,佢從來都冇諗過阿滔唔係阿純既男朋友....但阿芯唔係咁講,仲話佢地既地步係.....

我 :估唔到你當我係d咁既人囉!!我唔會賤到去搶朋友既男朋友囉 !!打攪哂,我走先 !!!

阿樂一手拉住我,咩都冇講,只係靜靜咁望住我

我 :放手啦

樂 :我唔想再等啦阿純,好苦啊冇左你既日子 ....

係呢一刻,我發覺佢真係好需要好需要我 .....佢好似真係好愛我啊 .....最奇既係我發覺自己都有一點點想親近佢既溫度