呢一個月,我冇再見過嘉嘉佢地,唔知佢地係咪已經當左我係勾朋友男朋友既賤人,唔再當我係朋友..

雖然傷心,但我冇時間去諗. ...因為每一日阿滔都要幫我練妝,為既就係今日 ...silanfas既面試

唔知係咪因為之前曾經任職既關係,所以今次早上發出電郵,下午已經收到通知

我帶齊所有必需品,比預期早了15分鐘到達

receptiont : 阿純,你番黎做啦

我 :er ...我想問 ...

x :阿純,你上左黎喇 ..

我望一望,係一個幾可愛既女仔 ...不過我識佢既咩??

x :入我房先傾啊

我 :好啊

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

x :攪咩啊你同阿樂

我 :我同阿樂 ??

x :佢番左黎香港之後都冇番過黎公司 ...發生咩事啊你地,而家你又遞form話見工,我見到都o左咀

我 :其實 ....我係咪識你架 ?你係邊個 ?

x :下,唔係玩啦,我咪小嵐囉

我 :小嵐?我之前係度做過,應該係識你架可 ?

小嵐 :阿純你唔好嚇我啊,咩事啊

望見眼前呢個女人,有種莫明既親切感,從佢輕皺既眉頭可以睇出佢緊張我既情況,我同佢係好朋友嗎 ?滔哥哥冇提到,而相簿都冇佢既出現 ! 但我覺得佢一定知道我同阿樂既事,應該問嗎?不過今日我上黎既目的係面試啵 ....

小嵐 :阿純?

我 :你知道我同阿樂既事嘛?

小嵐 :你指係幾時既事先?你地去左英國呢一後我係完全唔知架

我 :我同佢去英國 ?

小嵐 :等陣先,阿純你可唔可以話比我聽,你發生左咩事,點解好似咩都唔知咁

我 :其實我都唔知自己發生左咩事,從朋友口中得知,我係英國番黎飛機失事而失憶,但我唔係全部記憶冇哂,只係呢幾年冇左 ....

小嵐 :你講真架?

我 :嗯 ...

小嵐 :你意思係阿樂都唔記得左 ?

我 :係啊 ! 係朋友既口中,佢好愛我,為我付出左好多,但其他既野,一概都唔知道,你可唔可以話我知啊

小嵐 :我同阿樂講唔上係咩深交朋友,不過你地既事,我都知道唔少

我 :咁就好啦,,你快d話我知啦

小嵐 :但你先要答我問題

我 :咩問題?

小嵐 :你係咪好想記起所有野,假若你擁有既係痛苦回憶,你願意記起嗎 ?

我 :um ..... 不如咁講,而家我唔絕對唔需要靠回憶去生活 ..但我唔希望錯過每一個對我重要既人

小嵐 :你覺得阿樂對你黎講係重要 ?

我 :我對佢有種特別既感覺,但我唔可以即刻接受佢既愛 ...因為我對我地既回憶係空白

小嵐冇出聲,但心入面暗地裡叫好 ....起碼佢對阿樂仲有感覺

我 :咁 ...你可以講我知未

小嵐 :你今日上黎既目的係面試,而家你已經通過,星期一開始番工! 私事就係食飯時間講 ...

我 :而家仲有半個鐘到~一係我出去行下等你

小嵐 :唔好啦,呢度附近都係商業大廈,冇野好行 ...你出去坐陣,我攪埋dd手尾就出黎啦

我 :好啊 ~

過了大概10分鐘左右,小嵐就出左黎,帶我去到一間coffee shop

我地點左野飲之後,大家都沉默左 ...大概5分鐘之後,我終於按捺不住開聲問佢

我 :你係咪知道我同佢既事?

小嵐冇即時答我,只係好悠閒咁拎起咖啡杯飲左一啖,之後望住我

小嵐 :你自己知道既,又有幾多?

我 :冇 ... 只係朋友口中知道,佢係好愛我

小嵐 :你真係有承受痛苦既能耐?

我 :乜我既回憶真係好痛苦咩?

小嵐抿著唇冇答佢,因為知道答案 .... 而內心都好亂,應唔應該話佢知一切一切

我 :如果唔係,點解你三番四次問我,有冇接受痛苦既心啊 ?

小嵐 :咁我最最最後一次問你,are u ok?

我 : 就算過去有幾痛苦,我都希望清楚知道,因為果個係我既過去,我人生既一部分,加上 ..唔係已經捱過左喇咩?

小嵐 :好 ..既然你咁講,我就講一個故事比你聽

我冇出聲,只係靜心咁等待佢繼續講落去

小嵐 :我岩岩入黎呢間公司做既時候,識左一個男仔,佢大我應該2,3年吧 ...我地好好傾 ...咩都講得一餐 ...!雖然佢個人好好,但就成日都好似有心事咁,識得耐左...佢話比我聽,佢係讀書既時候,中意左一個女仔,不過比佢個兄弟搶先一步,而且見到佢地兩個都相處得好好,而佢本身個人都算係一個花花公子,因為佢條件唔差,不過亦係因為呢個女仔既一句說話,令佢從此同異性成為絕緣體 ....時間一直過 ..個女仔既男朋友要去外國讀書 ...女仔當然好唔捨得 ..而男仔就開始擔當一個安慰既角色 ...於是佢又繼續等等等 .. 終於等到有一日,佢可以實實在在攬住呢個女仔 ...但佢發覺一覺醒來,咩都係一個夢 ..佢冇擁有過佢啊 ...! 於是佢又繼續等 ...繼續做好朋友 ...而女仔對佢只係呼之則來,揮之則去 ,,,若即若離既態度已經令折磨得佢太傷太痛 ...有一日...佢離開香港,一個人去左埃及 ..呢個地方係個女仔好想去好想去既地方 ...!去到之後,佢遇到一個香港人 ...係一個女仔,同佢深愛既女仔好似好似 ...有一瞬間佢以為女仔竟然出現左係佢面前 ...佢同呢個女仔做左朋友 佢叫做爽爽 ...番左黎香港之後,佢決定 ...要令自己死心,更加要令個女仔以為佢真係死心..所以佢就同爽爽扮情侶 ..好成功 ....佢呃到個女仔 ...但後黎女仔既男朋友變左心 ..唔要佢啦 ..男仔又再次出現 ...佢唔忍心見到女仔心痛 ...而且佢地仲一齊左...終於可以真真正正擁有佢 ...!!女仔發覺佢對男仔係咁多年入面之間 .,,終於都出現左愛,縱使佢心入面仲有之前個男朋友 ....不過係佢地最開心既日子 ...女仔竟然發覺有左bb ...當然個肚都係之前既男朋友 ....佢唔敢同男仔講 ..佢想靜靜咁落左去 ..因為佢唔想佢地之間既愛 ...留下左一個遺憾 ....!! 如此同時 ...爽爽,你記得邊個嘛?係男仔去埃及時認識既女仔呢 ..?佢唔知係咪扮女朋友扮上腦 ..佢真係中意左個男仔 ...當然佢既愛意唔被接受啦 ...正當女仔岩岩做完流產手術 ...身體最虛弱既時候 ...爽爽用刀去襲擊女仔 ...因為佢認為,只要bb冇左 ...佢同男仔就可以一齊 ....

我 :我個bb冇左 ...?女仔係我嘛?

小嵐冇力咁笑左一笑,冇回答我既問題 ..繼續講

小嵐 :女仔好危險啊 ...bb冇左之外,亦因為呢件事呢到佢不育 ...短暫行唔到路 ...同埋記憶永遠刪除 ....

我呆左一呆 ...好唔明佢講緊咩..呢個係我既人生嗎 ?

小嵐 :阿純,你並唔係飛機失事而失憶 ... 係你要刪除記憶既時候到左啦 ...

我 :呢個係我既人生 ?冇可能架 ..冇可能架 ....

小嵐 :對唔住啊純,係咪我唔應該話你知啊 ....

我冇答到小嵐既問題已經喊住衝走左 ...我既人生 ?我唔可以生bb?我愛既係阿樂 ..定係我之前既男朋友?

有人為左愛 ..真係要咁樣傷害我 ?