[ 阿純 ... 阿純 ...]

[ 你地睇下 ..阿純佢好似想打開眼啊 ]

[ 阿妹,點啊你 .... ]

我覺得雙眼眼皮好重好重 ... 慢慢將眼打開 ... 可能未習慣光線既關係 ... 眼前既一切都好濛瀧

終於都醒起身喇 ]

醒後第一傳入我耳朵既係一把低沉而磁性的男性聲音 ...好熟識,係邊個呢 ?

我 :你係邊個啊 ...我望你唔清楚啊 ?

樂 :我係小樂啊 ...你記唔記得啊

我 :哦,,我知道啦 ...你係嘉嘉個FD ...你放手先啦 ..我好痛啊

樂 :啊 ..對唔住啊

我 :呼 ...終於都睇清楚番D野啦

嘉 :衰婆 ..點啊你

我視線橫掃間房 ...見到有嘉嘉,阿芯,阿昕,阿滔,阿家,阿樂 ....

腦入面又即刻浮現番暈之前 ...我係屋企睇緊相簿 ...

昕 :阿純,你冇咩事嘛,成個人呆哂既 ?

我 :阿昕,上次BBQ ..我唔係第一次見你 ..

阿昕聽完之後 ...個人好驚訝 . ..就即刻望住嘉嘉佢地

嘉 :阿純,你記得D咩?

我 :阿芯,阿滔係你男朋友 ..但都係我好好朋友 ?

阿芯冇出聲,好無助咁望住阿滔

我 :而嘉嘉你同你男朋友絕對唔會係呢幾日識架啦,RIGHT?

嘉 :你係咪記得D咩啊 ...

樂 :阿純,咁我呢 ..你記唔記得我啊 ...

昕 :你真係記得番哂所有野啊 ...

我 :我真係冇估錯 ...我真係失左憶 ...

滔 :阿妹 ..

我 :阿滔 ..你可唔可以話比我知發生左D咩事 ...你應該係我可以信任既人黎架

滔 :你地不如出一出去先 ...我想單獨同佢傾 ...

樂 :有咩我地唔聽得架

純 :我都想同阿滔單獨傾下 ...

嘉 :咁我地出去先啦 ....

嘉 :哎也,你唔好行黎行去喇 ...行到我眼都花埋喇

昕 :係囉,阿樂你就坐低等下啦 ...

樂 :究竟有咩事要單獨傾先得啊 .. 阿芯你話喇

芯 :我點會知道啵

樂 :果個係你男朋友黎架,姐姐

昕 :阿樂你咪迫阿芯喇 ...你頭先都有眼見 ...阿滔講野果陣 ..個個都在場 ,你唔知佢有乜可能會知先得架

芯 :一陣咪知囉 ...而家阿純記得番哂D野 ,就已經係最報既收穫啦

嘉 :但我覺得佢未必係記番哂D野

昕 :我都係咁覺得啊

樂 :點解啊 ?頭先佢唔係講番哂D野出黎咩?

嘉 :我都唔知.,直覺 ...不過希望我係錯

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

滔 :阿妹,你應該唔係記得番起D野 ?

我 :ER ...

滔 :你係咪睇到D咩 ?

我 :嗯.. 我係屋企睇到D相簿 ...入面有我地4個女仔既相,仲係著住校服影 ...咁唔係已經代表我地識左好耐喇咩?

滔 :仲有見到D咩?

我 :有一本我同你既相簿 ..我地好親密 ...不過又唔似情侶 ...但明明你係阿芯既男朋友

滔 :仲有冇見到其他野 ?

我 :有一本係我同一個男仔既相,係照度睇我地應該係情侶 ... 但我真係記唔起有呢個人

滔 :嗯 .........

我 :仲有就係我同阿樂 ... 我同佢曾經係情侶嘛 ?

滔 :你睇完D相之後,有冇記得番任何野

我 :冇 ...不過個頭就突然好痛 ...之後就暈左 ! 可唔可以話我知.,發生左咩事 ?

滔 :簡單黎講你係失左憶,你係英國番黎果陣飛機失事 ...

我 :英國 ?我點解會去左英國架 ?

滔 :你去左英國讀化妝既課程 ,而我當時就係你既同學 ...所以我地就係咁認識

我 :嗯,我同你關係係咪好好架 ?

阿滔見到阿純問既時候,低著頭 ...好尷尬咁,知道佢一定係誤會左大家之間有過愛情

滔 :我們關係很好,不過只是哥哥,妹妹

我 :啊 ...係啵 ...你頭先叫我做阿妹既

滔 :因為我當正你係我阿妹咁錫,而以前你都係滔哥哥咁叫我架

我 :嗯,明白

滔 :而阿昕,阿芯係你同嘉嘉轉左校之後既新同學,你地感情好好 ..做咩都4個一齊

我 :我地4個感情好好 ..

滔 :嗯,所以係你岩岩失左憶果陣,唔記得左阿芯,同阿昕,佢地兩個真係好唔開心架

我 :原來我真係一早就識佢地,唔怪得之果次BBQ ..阿芯講好肚餓果陣. ..我就即刻諗到佢又係食啦

滔 :嘻 ...呢個傻妹成日都掛住食架 ..

我 :咁你同阿芯一齊左幾耐啊 ..

滔 :都係2,3個月既事 ...因為你我先識到阿芯既

我 :哦哦,咁你應該根好咁多謝我啦 ..

滔 :傻妹 .. ...

我 :咁我同阿樂 ... 係真係情侶?咁相薄果個男仔呢 ?

滔 :係先後既問題 ... 阿樂係後,果個男仔係前 ..

我 :咁我同果個男仔 ...

滔 :分左手 ..

我 :滔哥哥,做咩你口臉都變哂 ..你好討厭果個男仔 ?

滔 :嗯 ..佢對你唔好,所以分左手

我 :既然分左手,都唔係重要既人 ..我地唔好講佢啦

滔 :嗯

我 :咁你快D笑番下啦 ...

阿滔笑左一笑 ... 發覺真係成熟又添幾分師氣 ...

經過30分鐘,阿滔終於係病房行左出黎,而且身邊既阿純仲親暱咁撓住佢隻手

換黎既係一人忿怒 ;二人錯愕 ; 一人心酸既反應

阿樂再忍唔住,衝左上前揪住阿滔既衣領口

樂 :你對佢做過d咩啊 ?

我 :喂喂 ..你放手先啦,你整到佢好辛苦啊

芯 :阿樂,你冷靜d先啦

樂 :你講 ! 點解要單獨同阿純傾啊

滔 :因為..

我 :因為而家我只可以信任佢 ...

眾人都望住阿純,知道佢應該有說話要繼續講落去

我 :我知道自己失左憶,知道阿昕同芯兒係我好好朋友,對唔住 ..我唔係有心要忘記你地

昕 :你終於記番喇阿純

芯 :太好啦

樂 :你真係記得番哂?

嘉 :阿純 ..

我 :你地聽我講先啦,我唔係記得番哂d野,而係我係屋企睇到d相簿 ...有你地係度,我諗唔通 ..所以就問阿滔

樂 :咁你記唔記得我係邊個啊

我 :[ 搖頭 ] 阿滔冇講到啊 ..

樂 :你咩居心啊 ... 以前我都覺得你中意阿純架啦 !

我 :你唔好再發癲啦 ....係我一時間之後唔習慣咁多野入我個腦度啊

樂 : [沉默]

我 :對唔住,我語氣重左d ...我知道我同你係情侶關係,但而家我真係記唔起同你既任何回憶 ...

樂 :我會等你,反正都等左6年

講完,阿樂就轉身離開 ....

我 :係咪我講錯左咩啊 ? 咩6年啊

昕 :阿樂等左你6年 ..你先肯同佢一齊

我 :6年 .... 佢真係咁長情 ?

嘉 :阿樂真係對你好好架

我 :我. ...

滔 :你地比佢靜下啦 ...

自從果日係醫院 ,嘉嘉,阿芯同阿昕對我都投用一個好失望既眼神,之後就離開左

而係我身邊陪我三天到出院既竟然係阿滔

有好多野我都諗唔明,究竟自己做錯左咩事,而家比人呃果個係我啊,雖然我知道佢地都係為我好!

出左院之後,阿滔都不斷黎陪我,話驚我自己一個人亂諗野 ... ...

其實佢呢個人真係好好,假若我唔知自己同佢失憶前既關係,一定以為我地係情侶

叮噹 ...門聲響起,相信今日都係阿滔

我 :滔哥哥

滔 :點啊,係度做緊咩

我 :冇啊,頭先係度汁野,比我見到佢囉 ....

滔 :呢D咪係你係英國讀化妝果D筆記 ...套化妝掃仲係度啊,你知唔知呢個係邊個送比你架 ?

我 :你咁問得,一定係你啦

滔 :係啊,係我地第一個考試之後交換既禮物 !

我 :不過而家都冇用啦 ..... 我根本就唔識化妝

滔 :有咩可能,你連SILANFAS都入到 .....

我 :SILANFAS?好出名果間化妝學校公司?

滔 :嗯 ....你係英國讀完番黎就面試,做左化妝師

我 :我好想知道以前既我係點,起碼有成就 ....而家既我就好似廢物咁

滔 :傻妹,你有冇試過拎起支掃,可能你仲記得呢

我 :我冇試過啊,唔想失望啊 ....明知冇可能架啦

滔 :我覺得你冇左記憶,但學過既野唔會咩都冇哂,或者你得呢

我 :真係咩?

之後阿滔冇答我就幫我整齊咁放哂D化妝品同工具出黎,

滔 :呢度有保濕, 粉底,碎粉,打底液,遮瑕 , 你會點樣分次序?

我 :保濕→打底→濕粉→遮瑕→碎粉

我講完之後都好驚訝 .....因為我諗都冇諗就好流暢咁講哂出黎,雖然唔知道岩定錯

滔 :好好,你試下將呢幾樣幫我化一個妝

我 :你為難我姐,我點會識

滔 :咁就試下 ..

既然阿滔都咁講,或者我應該盡下力 ...所以我就將面前既野憑直覺咁用唔同既掃放係唔同既位置,大概15分鐘後就完成左,阿滔冇出聲只係望住鏡入面既自己,再出聲既時候大概係兩分鐘之後既事

滔 :你冇忘記到,仲好純熟,15分鐘就完成左

我 :下 ?

滔 :我叫你化我唔化自己,係因為女人有本能幫自己去扮靚,但要一個唔識化妝既人去化一個男仔係根本冇可能既事,而你就做到,唔出奇咩?

我仔細咁望一望阿滔既妝容,真係令我相信自己係未忘記化妝既技巧 ! 因為我基本上係見唔到明顯既化妝,好自然,但確實修飾左本身既輪廓

我 :多謝你啊滔

滔 :你記住要睇多D筆記,有咩唔明就問我 ...

我 :好啊 ..唔該你

滔 :時間都差不多啦,聽日見啦

我 :其實 ...你唔洗日日黎睇我架,

滔 :反正我有時間

我 :我明點解阿芯會用個失望眼神望住我啊 ....

滔 :[ 沉默 ] 我當你係妹妹,我好錫你,你同佢都對我重要

我 :咁都應承我,抽多D時間陪佢,因為你同佢都對我重要

阿滔笑左一笑冇回答就離開左