大家之前唔小心po左d ...而家再重新po一次 ..所以唔洗理上一篇



第2日 ... 小樂同小嵐同樣冇出現 ... 但竟然有一個好震驚既消息傳到去我耳邊 ..

同事a : 阿純啊 ..你會唔會又走架

果時我岩岩番到公司 ..放低左個袋 ..好出奇咁問 : [ 點解我要走啊 ?]

同事b :藍生要去英國接管果邊既生意嘛 ..

同事a :嗯 ... 我諗佢都會請埋你果去既

我 :英國 ?

同事a :你唔係仲未知嘛 ..公司上下都知喇啵 ...通告都出左 ...你自己去睇下 ..

我 :其實我同藍生都係朋友 ... 有好多野佢唔會向我交代 ...所以 ..我真係唔知

同事b :咁又係,加上你係化妝呢邊 ..而佢英國果邊係工程公司 ,

我 :係囉 , 所以我都仲係會留係度麻煩你地架

同事a :阿純你唔走就好啦 ..我地個個都好中意你架

我 :[笑] 傻婆 ..快d食埋早餐先啦 ..一陣要出去out job啊 ..

同事a+b :係啵 ..一陣先再講 ..

係佢地走左之後 ...我慢慢咁行左去告示板果邊 ..發現真係有張新通告

內容大致上都係講阿樂要離開公司一段時間 , 去英國果面 ..同埋所有調配既細節

接住黎既呢一日 ..我唔係錯漏百出 ...就失手 ...所以上司amy就叫我放低哂手上所有job去見佢

我 :sorry啊 amy

amy :你係咪唔舒服啊 ?

amy冇鬧我 ..仲好關心我 ...但自己偏偏為左私人事就影響工作 ....好內疚 ! 但我都係選擇左講大話 .. 其實我唔希望再有咩出錯 ...影響公司 ..

我 :嗯 ..今日好似有dd發燒 ..成身都興興地 ..

amy :你早d出聲嘛 .. 唔舒服都仲番工 ..快d汁野番屋企抖下

我 :sorry啊amy ..

amy :傻女 ..今日既獲我仲揹得起 ..但如果再咁落去 ...就好難講

我 :嗯 ..我應承你 ..聽日一定精精神神咁番黎

amy :好啦 ..去解決你既問題啦

我正想起身離開既時候 ...聽到amy咁講 ...只有錯愕 ! 其實佢係一早知道我有心事 ?

唔通我既表情真係放哂上面 ?

______________________________________________________________________


小嵐一早就比個sms嘈醒左 ..一睇原來係阿樂sd過黎

[ 小嵐 ..好多謝你為我做左咁多野 ..但我依然係唔可以報答你既愛 ..

而家我去緊機場 .. 我決定左接管英國果面新收購既工程公司 ..

你問我係咪逃避既話 ..我絕對唔會否認

你要我日日對住佢 .. 我真係做唔到 ...

再見啦 ... 仲有唔好打算黎機場 ... 因為我會搭私人飛機走 ]

小嵐睇到之後真係呆哂 .... 好嬲自己點解唔將所有事實同阿樂講清楚

小嵐即刻拎起電話打比阿樂 ..希望佢仲未上機 ...

聽筒傳黎阿樂把聲 ...好采仲趕得到

嵐 :喂 ..阿樂 ,,, 你聽我講先

樂 :如果係講阿純既野. .就唔洗啦 ..你比我走得安心d啦 ..

嵐 :唔係啊 ..你聽我講左先啦 ..

樂 :好 ..而家仲有5分鐘時間 ...你講啦

嵐 :其實果個阿滔根本就唔係阿純個男朋友 ,,佢地係朋友黎架咋 ..你誤會哂啦 ..

樂 :嗯 ..你淨係想講呢d?

嵐 :仲唔足夠咩. ..你地最大既阻力都係因為呢個誤會咋嘛 ,,你唔好走啦 ..番黎先講啦

樂 :小嵐 .. 其實我已經知道阿滔唔係純既男朋友 ...

嵐 :咩話 ...你知道?你點知架 ..

*********************** 回憶中 ...

就係阿樂決定上機既前一天 ...即是尋晚 ... 佢打左個電話比阿芯

o都 ...o都 ...o都 ..

芯 :喂 ..阿樂 ?

樂 :啊 ..係啊 ...阿芯你得唔得閒啊 ?

芯 :嗯 ..你講啊 ..做咩事咁好打比我既 ?

樂 :其實 ...一場朋友 ...我有咩就唔兜圈啦 ...

芯 :講到咁嚴重咁既 ..咩事 ..講講講

樂 :你而家係咪同緊一個叫阿滔既男仔一齊啊 ?

芯 :嗯 .. 做咩咁問 ...[ 其實阿芯都知道阿滔試阿樂呢件事 ..所以對於佢既問題 ...佢要好小心答]

樂 :你答左我係咪先 ...

芯 :er ...

樂 :你點可以咁架 ..阿純係你好朋友黎架 ..

芯 :阿樂 ..你誤 ...

樂 :阿芯我識錯左你啊 ...

芯 :喂 ..藍梓樂 ..你唔係咁唔了解我啊嘛 ...我會咁對自己朋友既咩?

樂 :但你事實係傷害緊阿純啵

芯 :阿滔根本就唔係同阿純一齊 ..係佢想你同阿純一齊番 ...先咁做架咋 ...

********************************************

樂 :你而家明啦 ?

小嵐 :我更加唔明 ..既然你已經知道左 ..做咩事仲要走啊

樂 :我想賭我同阿純既緣份一鋪

嵐 :我唔明啊 ..不過你唔好癲啦 ..

樂 :我已經冇咩唔敢博啦 ... 小嵐 ...5分鐘到啦 ...拜拜



o都 ...o都 ..o都 ....

面前既月曆 ..一個個紅色交叉記號愈黎愈多 ...

阿樂已經走左差不多4個月啦 ... 正確黎講 ..應該走左112日 ..

雖然話係英國既分公司 ..但我連佢既消息都冇 ... 一個電話 ..一個電郵都冇發過比我 ...

可能佢終於都放低了 ...

_______________________________________________________

DR : 好耐冇見啊樂小姐 ..

我 :DR MA ... 我 ..有野想問你 ...

DR :做咩事啊

我 :我呢排個頭成日都好痛 ...而且有D野 ...我開始唔係記得好清楚 ... 要睇番日記先知道 ...

DR :或者你去做一做個X-RAY等個報告番左. ..

我 :係咪我開始會唔記得野喇

DR :嗯 ..我初步估計係開始大腦退化 ...

我 :姐係我會慢慢唔記得野 ...?

DR :我都要個報告出左先知 ... 你而家跟姑娘去照左先 ...之後張片出左 ..你再黎見我 ...

我 :嗯 ..

我跟左姑娘去左照X-RAY ..過程好快 ..唔洗15分鐘就完成左 ...

之後我就一直等緊醫生叫我去見佢 ...

直至兩小時之後 ... 終於張片出左啦 ...

dr :樂小姐 ..

我 :張片點?

dr :情況比我預期壞好多 ...

我 :姐係點啊 ..

dr :你既記憶會逐漸吞噬 ..

我 :吞噬?

dr :嗯 ..你除左慢慢唔記得之外 ..呢d記憶 ..係永遠係你大腦刪除 ...

我 :姐係我冇可能仲記起?

dr :嗯 ..

我 :點解會咁架 ..

dr :原因而家都仲未明確 ..不過應該係關d神經系統 ...

我 :我可以做到d咩 ..

dr :你盡可能將你而家記得既野完全寫低 ..就算你遲d可能唔會記得呢d係自己既事 ...不過總算係一個証據 ..



離開左醫院之後 ...我唔知自己可以去邊

我好想好想搵小樂 ..係佢身邊 ..

我希望 ... 我最後呢段記憶 ..有佢既存在 ...


終於我哭了 ...