遊客無法瀏覽此圖片或下載點，請先註冊或登入會員。

巴塞隆拿，地上最強之名當之無愧，佢地由2007/2008球季開始，鋪鋪起碼入歐聯4強，到今季已經係第6個球季達到呢個目標，如下：
2007/2008 - 歐聯4強
2008/2009 - 歐聯冠軍
2009/2010 - 歐聯4強
2010/2011 - 歐聯冠軍
2011/2012 - 歐聯4強
2012/2013 - 起碼入到歐聯4強

講起巴塞呢6季既變化，經歷3個教頭，列卡特＞哥迪奧拿＞維蘭路華，其中列卡特（2005/2006，唔係呢6季入邊）同哥迪奧拿（2008/2009、2010/2011）都曾經幫過巴塞贏過歐聯，維蘭路華能否達到前兩任教頭既成就，暫時係未知數，即管睇睇佢返黎巴塞後，能唔能夠係歐聯路度笑到最後？

講返巴塞近季歐聯奪冠績，要贏歐聯就靠英超球隊拍跳（2次鬥曼聯、1次鬥阿仙奴），可惜今屆無隊英超球隊殺得入歐聯4強，呢個徵兆係今季無辦法出現到，再加埋今屆殺得入去4強既其他對手（皇馬拜仁多蒙特）絕對唔易啃，抽邊隊都係硬仗，可幸既係巴塞係西甲大幅度領先，可以專心係歐聯搏殺，無疑使到巴塞有更大本錢突圍，最終或者達到8季內贏第4隻歐聯冠軍，再寫歐聯史

至於皇馬拜仁多蒙特，個人覺得皇馬拜仁都有能力阻巴塞奪冠夢（呢集唔詳細講），巴塞必定留意呢兩隊波，剩低既多蒙特因為基於係呢4隊波入邊較為蝕底少少既球隊，伊安唔太睇好多蒙特，唯有叫佢地自求多福啦