「你......」呀謙俾我激到講唔到野「私人恩怨唔好講住,去左醫務室先啦」呀謙講
「唔去, 我冇事」我強忍住我既痛楚, 係呀謙面前扮冇野
「冇野? 我自己出左幾多力我知架,岩岩我咁大力你依加同我講你冇野?」呀謙一下就識穿左我
「係呀, 我依加咁都係你整架, 我自己有事我自己會去醫務室, 唔洗你啦」我講
「林文希——」呀謙面色由青變黑
「你到底想點呀?當初要係你要散,你依加做乜搞到你係受害者呢? 受害者唔係應該我咩?做乜我好似欠左你咁架?欠人個個係你呀林文希!」呀謙講
呀謙講既野,一針刺入我心房,當初係要我要散, 受害者係呀謙, 我欠左呀謙,欠人個個係我?
我呆左楚係登度, 唔知情個D,個個係度紛紛論討
「收聲,全部同我出晒去!」呀謙一聲令下,冇謂人等即刻唔見晒
淨返呀盈擔心咁望住我, 我俾左個堅定既微笑佢
「出去啦呀盈」呀風講
「嗯......」連佢地都走左,成間房淨返我同呀謙, 呀謙鎖左門,拉好晒百葉廉
「講!」呀謙企返係我前面,重重地拋低呢隻字
「講乜呀杜生?」我若冇其事咁問返佢,岩岩撞到個個位隱隱作痛,痛到不得了,得係我又扮冇野
「你唔好同我扮野啦喎」呀謙大我
「你依加大我呀? 我既事,好似同你冇關......」我講
「你講乜話?你講多次! 同我冇關?」呀謙氣沖沖咁捉住我隻手
「喂!你做乜呀? 我D野! 同你冇關呀!」我對住佢大嗌
「隆隆隆——」外面傳黎一陣雷電聲,天,都黑晒啦
「林文希!你依加唔洗你答個條, 我只是想知一個答案姐!你愛唔愛我?林文希?」呀謙講愛字個陣,變得冇比溫柔
我低下頭, 我承應, 我心軟啦
「答我啦林文希!你一個答案好重要架」呀謙聲音更為急速
「......」我依然冇講野, 呀謙一直等緊我答案,良久,「同學,放開你個手,好唔好?」我低下頭,偷偷地流淚
呀謙聽到,手一松,你放開我既手,即係放開我既心......
但係, 唔係我叫呀謙放開架咩? 呀謙只不過係跟我說話咁做姐?
「林文希,你講呢D野,你一定會後悔,你同我好好記住,你咁樣唔代表我會放棄你放過你,想我放過你係冇可能架!!林文希, 我恨你......我恨你......我愛你三個字都唔肯講? 我真係唔配得到你口中既我愛你? 你知唔知......我多麼希望你講呀!我係你心目中到底重唔重要呀? 我今日所受既痛苦,日後我要你十倍承受!」......天,落下大雨黎了......
呀謙, 我好想好想同你講:
「呀謙, 我講既野, 我好後悔好後悔好後悔...... 我一早就唔應該同你咁講...... 呀謙, 我愛你我愛你我愛你......但係, 我唔可以講, 我可以講, 呀謙,只係我唔配, 我唔配得到你口中既我愛你, 係我唔配, 呀謙,你原諒我, 我有責任, 我唔可以講, 我有種無形既負擔, 我唔可以講, 呀謙, 呀謙, 我只可以係心裡講呢三個字, 我愛你呀謙, 我絕對唔可以講出口, 呀謙, 呀謙,你聽唔聽到我個心講既野呀?但係我都想講一句, 我心中既痛苦......絕對唔俾你少架,如果,你真係恨我, 我都冇辦法,你恨我, 你恨我都好呀, 你恨我就將你心中痛法俾晒我啦......」
呀謙望左我一眼,行左出門口, 係出門口前一刻,
「即使你唔愛我, 我都唔會放棄, 我都唔會後悔...... 我遲小小黎搵你」呀謙講完,就走左
我看著他孤單既身影,心裡一絲絲的難過...... (待續)

我慢慢行返自己個班,一入去, 呀風就衝過黎,
「呀希, 呀謙同你講左乜呀?」呀風個樣一d擔心都冇,只有一副欠揍既樣
「你唔係應該擔心我架咩?」我問
「hey,傻既, 呀謙邊捨得你有事呀? 我唔覺得有咩好擔心喎」呀風講
「哼,冇義氣」我唔理佢,直接走人
「喂呀,好啦好啦,你岩岩撞個個位仲痛唔痛呀?」呀風跟上黎
「你話呢?痛死啦」我偏偏嘴
「咁快d去醫務室啦」呀風講
「知啦知啦」我講

放學, 我同呀盈兩個一齊返,嘻,呢排同呀盈最fd
呀風,就自己返,(好啦, 我地跟住就講呀風啦)
呀風一個人,插住袋,低下頭,d蔭「達」晒落黎,型爆呀!汗!
突然,有條友唔小心撞到呀風
「頂,邊條友發雞盲呀?」呀風係又鬧唔係又鬧
「sor......sorry呀」望真d, 係個女仔......
「咦?咁熟口面既?」呀風哄埋個頭去
個個女仔見咁,即刻退左幾步
「喂,乜我好樣衰咩?」呀風問
個個女仔狂拎頭
「咁你見到我又似見鬼咁既?」呀風問
「你......你你......」個個女仔連講野都令呀風覺得好熟面口
「等等......等等......」呀風進人沉思中
咁岩有條友,拎住指雪糕
「哦」呀風冇啦啦大嗌「你係我上次係雪糕店鬧個個女仔」呀風指住佢「你叫乜名呀?」
「嗯......嗯嗯...... 我, 我叫......叫布,布彩倩......」小倩講
「哦哦......」呀風點點頭「你點解咁驚我呀?」
「下下? ......」小倩唔敢講
「講啦,至多我唔打你, 唔鬧你,你講啦喂」呀風都唔知自己會對呢個女仔溫柔,自己咁在乎呢個女仔對自己既諗法,可能係因為呢個女仔得意瓜, 呀風嘴角一翹, 小倩就唔知點算好,因為見過呀風笑既唔多, 呀風笑上黎真係好靚仔
「因為......因為......你,你......咁,咁惡......」小倩低下頭,生怕呀風滅左自己
「hey,傻啦, 我個陣火姐眼呀,哈哈哈...... 我叫計樂風呀」呀風攬住小倩膞頭
「呀!」小倩推開呀風「你......你......」
「呀,sorry呀, 我不嬲同d fd都係咁架,哈哈哈......」呀風又係度傻笑
小倩呆左,佢估唔到呀風呢種飛仔都會講sorry
「算......算啦......」小倩講
「行啦」呀風拖走小倩「我地去食雪糕,突然好想食添」呀風講
小倩都冇揮開呀風隻手,反而面紅到低下頭
可能......小倩佢自已對呀風......產生好感......?但係, 呀風唔係有女朋友架咩...... (待續)

我同呀盈係火車站分開之後,得我一個返屋企啦
我一路行,一行諗,今日呀謙講既係咩意思......
呀謙...... 唔會放棄我?定係我聽錯, 係唔放過我?
「哎也也!好亂呀好亂呀......」我大嗌,望一望,原來己經到左屋企啦
但係......有個我熟到冇得再熟既人,企係我樓下
我要避開佢,但係,佢既目光己經落係我身上
佢行過黎我度,但係,佢行一步, 我退兩步
「林文希!你同我企係度!」呀謙對我下命令
我知, 我點都逃唔出呀謙既「五指山」
我乖乖咁企係度唔郁, 呀謙都好快行黎我度
「你做乜呀?」我問
「行」呀謙冇多講一個字,就咁拖我走
「喂呀!」我揮開佢隻手「做乜呀你?」
「食野呀! 我今日冇野落過肚呀!」呀謙講
「咁你去食野啦,關我乜事呀?」我講
「唔關你事?」呀謙碌大隻眼講「你講多次!」
「你自己餓唔我關我事呀,你餓你自已去食野啦」我講
「你......」呀謙俾我激到死死下「林文希! 你唔記得我今朝講咩乜?」
「又關今朝單野乜事呀?」我問
「你...... 我講過我唔會放過你架,你!一定要同我去!冇得反抗」呀謙拖住我隻手行
「喂呀!放手呀!」我揮開呀謙隻手, 「我自己唔識行要你拖我?」我對呀謙大嗌
呀謙都奈我唔何, 講「你唔好諗住逃走呀! 我一定唔會俾機會你!」
「我唔似你咁小人逃走」我細細聲講
「你講多次?!」呀謙啤住我
「咁你都聽到?」我講
「係!」呀謙答,拖返我隻手, 講「冇得反抗,費是你真係走人」
「你......」冇辦法, 呀謙今次捉得好實, 我fing唔開
我一直跟住佢行,一路都冇出聲
「喂,你想食乜呀?」呀謙問我
「依加係你食,你問我做乜?」我講
「你鐘意食辣, 我地去食泰國菜啦」呀謙講
「你仲記得呀?」死啦死啦, 我開始心軟啦! 「但係你唔係唔食得辣咩?」我問
「求其啦......」呀謙講
「算啦,去食法國菜啦」我講
「好,行啦」呀謙又繼續拖住我行
我真係估唔到, 呀謙仲記得我鐘意食辣, 呀謙佢會為我食自己唔鐘意既野
淚水係眼眶打轉, 我被呀謙感動左
呀謙......仲係會為我設想,但係,但係我......
「呀謙!原來你係度呀?」忽然,背後傳黎一把嬌媚既聲音...... (待續)

我同呀謙都同時向後望, 係小樂,我一見到小樂, 我就有種自卑既感覺
更何況,依加仲係呀謙拖住我隻手,更有一種作賊心虛既feel
係我話要讓呀謙俾小樂,但係, 我依加卻拖住呀謙
呀謙一見到小樂,捉住我隻手都松左
我就拿拿淋fing開呀謙,將隻手插入褲袋
「咦? 呀希?你都係度呀?」小樂同我講
「我今日未食野,佢陪我去食」呀謙講
「嗯嗯......嗯,嗯......」我係咁點頭
「咁一齊食啦!」小樂提議
「你鐘意啦」呀謙講
「嗯......咁我地去食咩呀?」小樂問
「法國菜」呀謙講
「下?法國菜? 呀謙, 我唔食得法國菜架喎」
小樂唔食法國菜, 呀謙一定會改地點瓜,畢竟依加小樂先係呀謙既正印女朋反
我? 法國菜係我提出架, 我同小樂, 呀謙應該簡小樂啦, 我依加又唔係呀謙既邊個
忽然感覺得自己係多出黎個個,一直都係得佢2個講,當我冇到
係呀謙生命中, 小樂先係主角, 我?只不過係一個過客,一個配角
我呢一刻好想走, 我依加根本就係一個電燈膽,250瓦
「你唔食法國菜咁我同唔希去食,你自己去食其他啦」呀謙冷冷咁對小樂講
我碌大隻眼望住呀謙,咁岩呀謙又望住我
我真係唔和點算好, 呀謙咁係咩意思? 呀謙......
放棄左小樂?選擇左我?
「呀謙......」小樂難為咁望住呀謙
「...... er ......」我想講小小野
「不如小樂陪呀謙去食日本菜呀,反正呀謙一開始都係冇人陪先搵我,依加小樂黎左,就叫小樂陪你啦」
我對呀謙微笑
「林文希,你......!」呀謙比我激到唔知講乜好
「呀希呀,不如一齊食啦」小樂講
我對佢大大一笑, 講「唔啦,今日好多功課做呀,做唔切天日要留堂架,呵呵呵, 我要,要走啦」
講完, 我就即刻拎轉身走人
「林文希!你唔準走,留係度!」呀謙係我身後大叫
「真係唔啦,再欠多次功課我就要記缺點啦」我並冇拎轉身,只係背住呀謙講
「林文希!」我知道呀謙行過黎我度
「我, 我走啦,再見啦小樂, 呀謙......」我講完,就開始跑
我聽到...... 呀謙係我後面大嗌,對唔住...... 呀謙......
呢排天氣反常,天冇啦啦落大雨,雨水毫不留情地打在我身上
我滿面都係水珠, 係雨水......定係淚水?
「呀希! 呀希!」後面彷彿有個人嗌呀,但係我卻聽唔到係邊個, 我冇理佢,企返係原地
「呀希!」忽然,後面有個人攬住我,佢溫暖既體溫傳俾我,好溫暖...... (待續)

「對唔住...... 對唔住......」我身體微微抖搷
「呀希! 唔好講對唔住...... 唔好講......」呀謙攬住我講
「我...... 呀謙...... 我地......」
「唔好講野住, 呀希」呀謙冇比溫柔,令我不得不依賴係佢身上
良久, 我打破沉默, 講「呀謙, 對唔住」
「我都叫你唔好講對唔住啦」呀謙講
「對唔住......」我又講起對唔住
「呀希......你唔好咁啦」呀謙將頭埋在我頸度
雨,漸小......
呀謙放開我,企係我面前,輕輕抹掉我臉上的雨水......或淚水......
我強忍住淚水, 「對唔住, 呀謙......」
「唔好再講對唔住啦呀希, 我接受你既道歉啦」呀謙講
「但我接受唔到呀」我講
「點會呀呀希?」呀謙溫柔咁問
我咬著下唇,低下頭
「呀希」呀謙既聲音再次係我身邊響起
「呀希...... 我地重新係一齊好冇?」呀謙問
我冇比任何回應呀謙......
「呀希......」呀謙等緊我回應
「可唔可以?」呀謙再問
「...... 對唔住, 呀謙......」我搖搖頭
呀謙冇再出聲, 我知道係對呀謙好大打擊......
「呀希,回答我一個問題,好唔好?」呀謙問我
「嗯......」我點點頭
「呀希......你仲愛唔愛我?」呀謙問
我怔一怔, 呀謙......問我......愛唔愛佢......
我......完全呆左......
「果然......真係唔係......哼」呀謙冷笑一聲
「呀希......既使你真係唔愛我,你都話係......好唔好?」呀謙問
「......」我冇應佢
「呀希,即使你係呃我,你都講......好唔好?你俾一個好既結局...... 我地......好冇?」呀謙問
「......」
「你講啦」呀謙講
「呀謙......」我抬頭望住呀謙
我先至發現, 呀謙依加......滿面淚水......
「呀謙...... 我......」我想講,但又講唔出
「你講啦呀希」呀謙一臉期待咁望住我
「我愛你...... 呀謙, 我係真心同你講...... 我愛你, 我一直都愛你,但係...... 我地唔可以一齊」
「呀希,夠啦, 我知啦...... 我會好好生活落去......」呀謙講完,就走左...... 呀謙,你講過算數...... (待續)

第二日
「喂, 呀希,你尋日撞親個位仲痛唔痛呀?」呀彤同呀芊問
我冇答佢,輕輕搖搖頭,對佢2個微笑
佢2個覺我好怪
「呀希呀,你係咪發燒呀?」呀彤摸下我額頭
「傻既」我自已行先
「唔係呀呀希, 我尋日呢,見到呀謙同一個靚女係度拉拉扯扯呀」呀芊講
我怔了怔, 講「哦, 我知呀」小樂?
「下?你知? 係咪呀謙一腳踏2船? 我幫你打佢」呀芊講
「唔洗啦」我搖搖頭「我同呀謙散左啦」
「下?又散?」佢2個都做左個冇奈樣
「你講呀,一個月同呀謙散幾多次?仲要次次散完又一齊」呀彤講
「唔會, 我地地唔會再一齊返」我講
「下?點解呀?」呀芊問
但我冇答佢,搖搖頭就走左
一入班房, 我地班某個同學呀龍衝過黎我度
「呀, 呀, 呀希......」呀龍氣都未抖順
「喂,你不如抖順條氣先啦」我講
佢搖搖手,吸一口氣, 講「郭sir岩岩打羅打鼓咁搵你呀,你屋企好似有事呀!」
「咩話?」我捉住佢膞頭「我屋企有咩事呀?有咩事呀?」
「唔知呀,郭sir淨係話你父母發生左意外呀」呀龍講
佢未講完, 我就拋低個書包跑去搵郭sir
「郭sir! 我屋企發生咩事呀?」我衝去佢張「木台」度
「文希,你冷靜d先,楚低先」郭sir放底手上既野
「講啦! 我呀爸呀媽點呀?」我問
「岩岩醫院打黎,話你父母係一次飛機失事入左院,失院後証實死亡」郭sir講
我呆左,眼淚奪眶而出
「文希呀,你要有心理準備,你去搵個朋友陪你去醫院見你父母最後一面啦」郭sir講
我聽到郭sir講呢句野,即刻衝出教員室
我係咁跑係咁跑, 我要搵邊個同我去醫院? 呀謙? 呀彤? 呀盈? 呀川? 呀風?
「呯!」我撞到個人,失去重心跌落地下
我都再冇力起身, 我楚係地下,默默咁喊
「呀希?」把聲,好熟好熟,但係我忘記左係邊個
「呀希?」個個人搖搖我「你做乜係度喊呀? 呀希!」
「我...... 我, 我......」一時激動, 講唔出野
「呀希! 呀希!」個個人拎左張紙巾出黎幫我抹走眼淚
我望清楚d, 係呀謙? 呀謙, 點解, 點解係要係我最脆弱個陣出現?
「呀希?你乜野事呀? 」呀謙問,明明我地已經分左手啦, 呀謙做乜仲要對我咁好
「我, 我...... 我......醫......醫,醫院......」我連野都講唔好,但偏偏要係呀謙面前...... (待續)

「醫院?做乜呀醫院?」呀謙溫柔咁問
「我...... 我...... 我呀爸呀媽入左醫院,死,死左呀!」我一口氣講晒
「咩話?」呀謙碌大隻眼
「嗚嗚......」我係咁點頭「我...... 我依加,要,要去醫,醫院呀!」
「我同你一齊去」呀謙自告奮勇,拖住我隻手起身跑
跑跑下, 「呀!」我一失重心,死個人跌落地下
「呀希!」呀謙衝過黎扶起我
「呀謙, 我, 我......」我想講野
「唔好我住啦!你下巴同四個爭爛晒呀!」呀謙拎左張紙巾輕輕掃我下巴個傷口
「去,去醫院先呀!」我大嗌
「你個傷口依加好嚴......」呀謙仲末講完, 我就講
「去醫院先呀!」我對呀謙大嗌
呀謙怔一怔, 講「上黎, 我咩你,你依加傷成咁行唔到架」
「下? 我......」我決定緊上唔上
「快啦, 唔係要快d去醫院咩?」呀謙「某」係我前面
我仲楚係度, 呀謙見到
「快啦」呀謙自己拉我挨係佢背脊
「呀!」我扒係呀謙背脊度, 呀謙膞頭好大好暖......
呀謙一直咁咩我去醫院
「姑娘!金正美同林景天係邊呀?」呀謙咩住我衝上去
「......um ......直行轉左第3間 」姑娘講「小姐呀,你傷成咁不如落黎洗下傷口先啦」
「唔洗住,因間先, 呀謙,快d去呀!」我講, 呀謙冇出聲,直至咩我去
一到個門口, 呀謙拉架輪椅比我楚, 我之前己經楚過輪椅,所以我叫呀謙比我自己入去
入去推門個刻, 我手係空中停了停, 唔好, 唔好, 唔好係我呀爸呀媽, 唔好!
我合埋眼,推開門入去,而呀謙就企係出面睇住我
我入左去,有2條屍,比白布蓋住,千其唔好係佢地呀,希望係搞錯左,搞錯左呀!
我慢慢揭開張白布,合埋眼,當我睜開眼時, 我已經崩潰啦
我成個人扒係度喊, 「呀爸! 呀媽! 呀!嗚嗚......」

「呀希」呀謙推住我輪椅嗌我
而我則合埋眼盡量平伏岩岩心情
「呀希,你依加諗住點呀?」呀謙問我
我搖搖頭
「你依加冇依冇靠,不如......」呀謙講d唔講d
「不如乜呀?」我有心冇力地問
「你不如去我度住住先啦......」呀謙講
「下?」我睜大眼,拎轉身「唔得!」
「住住先姐,等你冇事,你先搬走好冇?」呀謙提議
「但係......始終, 唔係咁,咁好既......」我低下頭,點解呀謙硬係做d令人誤會既野...... (待續)

「你一個人,始終有好多野唔方便,更何況你依加傷成咁」呀謙講
「......」
「我地依加去你度汁野啦好冇?」呀謙問
「嗯......」我輕輕點頭
我又要返返呀謙屋企住,

當呀謙開門個陣,令我眼前一亮(PS. 係呀謙屋企呀)
呀謙之前間屋全部都係黑,白,深藍,依加變到全白
「呀謙你間屋......」我O住咀問呀謙
「下?哦,冇乜既, 我想轉下環境姐」呀謙講完,低下頭幫我拎行李入去
我都冇出聲,乖乖地跟係佢後面, 呀謙......
係想同我分手之後唔再諗起我,所以換晒D野?
佢真係咁憎我?但係又係我HURT人先, 我諗我都冇資格怪人憎我架
但係,做乜仲要收留我?或者,佢E+係可憐我,所以先咁......
「呀希呀,你今日『支力』啦,洗唔洗去訓下呀?」呀謙問
呀謙唔提由自可,一提就眼訓
「哦......」我企起身,咪住, 我係去呀謙間房定間客房呢?
但係依加我又唔係人地邊個, 我有乜資格訓人房間姐?
算啦,去客房啦,
「喂, 呀希」呀謙忽然叫住我
「乜呀?」我問佢
「客房我好耐冇汁呀,你去我度訓啦」呀謙講
「下?咁呀......」考盧中
「唔洗驚啦, 我好耐冇係度訓過啦,張床我都N年冇掂過」呀謙講
好耐唔係度......佢好耐冇返過屋企?佢......去左小樂度訓......定係係其他女仔度訓......
「呀謙呀, 我唔訓住啦, 我突然唔想訓呀」我返返SOFA度開電視睇
「哦, 係呀, 我依加煮緊粥呀,你等多陣呀......」呀謙講
唔怪得呀謙一返黎就厘入厨房啦, 「哦......」我輕輕回答
嗯嗯......9:45分......冇電視睇...... 冇聊得濟,我望住個鐘,個鐘換左個好有古代FEEL既
一秒兩秒三秒四秒五秒六秒七秒......慢慢,慢慢, 我訓著左......

突然間, 我塊面「行行」地,好似有人噴氣落我面
「......希...... 我......好......你......要......作呀...... 唔......氣......」我模模糊糊聽到有人咁講
聽得唔清楚,只係聽到呢D,突然, 我塊面比一「達」淋淋地既野掂到我塊面
我既意識都愈黎愈清醒,其實我依加都係扮訓中
「呀希, 我唔好捨得你,點解你要咁狠心, 係都要同我分開呢?」我聽到呀謙講呢句, 我呆左
忽然有D水,一滴一滴咁滴落我度...... 呀謙?佢......佢喊?
我下意識咁用手抹抹呀謙既淚水, 呀謙都好似行開左,一陣後
「呀希呀希,起身啦,食粥先呀」呀謙搖搖我起身, 呀謙,佢......咁緊張我? 我...... (待續)

「下?食得啦?」我扮岩岩訓醒咁起身
「係呀,龍蝦煲粥呀,小心熱呀」呀謙提提我
「哦......」我慢慢行去張木台度,望住呀謙, 呀謙扮冇野
唔通我真係咁HURT呀謙? 我慢慢楚低,品嘗下呀謙煮D野食
「嗯......好好食,好味過之前」我對呀謙嘴角微微一翹
依加, 我只可以咁樣黎比返呀謙
呀謙見我笑得咁開心,自己都笑晒一份
「你唔食?」我見呀謙都冇郁過碗野
「我唔餓呀, 我睇住你食先」呀謙呆呆咁望住我,但係我卻冇發現
「黎啦,食小小啦,攤凍晒啦」我用個匙勺係呀謙碗粥搞2野
之後我「不」左一「不」,放係呀謙嘴前面
呀謙眉頭一搓,遲疑咁望住「不」粥
「快D啦, 我手好『支力』呀!」我講
呀謙援援張開嘴,食左啖粥, 我對佢大大一個微笑
「呀!」忽然呀謙大嗌
「呀謙!你做乜呀?」我放低手上碗粥
「我......你岩碗粥係咪『不』左舊龍蝦肉呀?」呀謙個樣好似好痛好辛苦咁
「係呀,做乜呀?你唔食得咩?」我扶住呀謙
「我...... 我...... 唔食得龍蝦肉呀! 我會『哦』嘔架」呀謙講
「咩話?」我差D尖叫「早講啦! 快!我同你去醫院呀!」
「唔...... 唔洗啦...... 我...... 我抖抖......抖抖冇......」呀謙未講完,就暈過去
「呀謙! 呀謙! 呀謙──」我攬住呀謙大嗌
「咇咇──」

醫院
「呀希! 呀謙依加係邊呀?」小樂衝左過黎
「仲......仲未出黎呀......SOR......SORRY呀...... 小樂...... 我...... 我...... 唔係有,有心架......」我渣實拳頭
手指甲插入我手掌
「呀希呀,你唔好自責, 呀謙呢單野,大家都唔想架,更何況,你都唔知呀謙唔食得龍蝦」小樂掃掃我背講
「但係......但係...... 係我逼呀謙食架......」我低下頭
「算啦...... 呀希......」小樂安慰我
突然,姑娘推呀謙出黎
我同小樂同時衝上去, 講「呀謙!你點呀?」
「我冇事」呀謙虛弱咁講「呀希,你喊過黎呀?」呀謙摸摸我塊面
「嗯嗯」我用力地點點頭,眼淚又唔爭氣咁流出黎
「傻婆...... 呀希...... 唔好咁自責啦...... 我冇事呀」呀謙講
「你...... 呀謙......」雖然呀謙咁講,但我都係唔放心
「小姐, 我地同先生去做進一步檢查,你地再等等啦」姑娘講, 講完就推走呀謙
我望住呀謙個背影, 忽然呀謙拎轉身衝我一笑,殺我一個措手不及...... (待續)

「呀謙呀,小心呀」小樂扶住呀謙
而我? 我就成條跟尾蟲咁路係佢2個後面
橙黃色的路燈把我們的影子拉長,並形成一個三角形
「係呢呀希,你住邊度架?」小樂問我
「下? 我?」我望望呀謙, 呀謙又咁岩望住我,冇理由講佢知我同呀謙一齊住呀?
「我...... 我住嘉福個邊呀」我講
「好夜啦呀希,你洗唔洗返屋企先呀?呢度返出好遠架, 呀謙有我睇住得啦」小樂捥轉咁趕我走
我無辜咁望住呀謙,點算呀?
「呀! 我記得呀希你本筆記係我屋企呀! 呀希去我屋企拎埋本野先走呀,小樂呀,你咁夜都唔返,白姨擔唔擔心架? 唔係遲d又搵我算帳啦」呀謙放開小樂,慢慢行黎我度捉住我隻手
「嗯......咁好啦, 我返返去先啦」小樂深情咁望住呀謙一眼,之後就走左
等小樂走左, 呀謙拖住我手掌講「好啦, 我地返屋企啦!」
我覺得...... 呀謙今日笑得好開心,好似好開朗咁,好耐冇見佢咁開心啦
「呀謙呀」我輕輕叫住呀謙, 呀謙拎轉頭「你咁樣行得唔得架?」
「放心啦, 我冇事喎,一係你驚你可以好似小樂岩岩咁扶我返去架」呀謙輕挑地說
「唔得!」我一口拒絕左

屋企
「呀謙呀,你『支力』啦,洗唔洗去訓下先呀?」我問
「咁你都係啦,今日發生咁多事,你又洗唔洗呀?」呀謙問
「我未沖涼呀」我紅著臉講
「咦! 係喎......」呀謙轉身就入左自己房
呀謙係咪訓啦? 拿拿淋去沖涼先啦
我係行李求其拎左兩件衫,一個箭步衝入廁所
開大個水喉,半個浴「剛」都係水
我楚係度,合埋眼諗返今日既事......
今日......父母飛機失事去世,但係得到呀謙安慰,心情好左好多......又搬左同呀謙住
我發現, 呀謙真係我粒定心丸, 我次次有事, 呀謙都係係我身邊支持我
但係......今日我卻令到呀謙入左醫院...... 我...... 係咪對唔住呀謙呢
0卡0察──門無啦啦開左
企係門隔離既個位男士,則呆左企係度
一分鐘後
「呀!!!」我同呀謙同時嗌上黎
「出－去－呀－」我指住門口大嗌,同時, 我都用布遮住重要位置
「呀!!!」呀謙又冇啦啦嗌,之後就衝左出去
「冷靜呀!冷靜呀!林文希呀!冷靜d呀!莫明其妙呀!」我拍拍自己腦袋
我......我......我...... 我岩岩竟然有一種好似岩岩同呀謙一齊個陣既感覺
心跳加速,面紅,緊張,但......卻包含住甜蜜...... 唔知呀謙依加又點呢...... (待續)