十三歲文武雙全模範男生，昨返校打籃球後，在香港仔住所附近落巴士時，疑煲手機從車頭過馬路，遭駛至貨車撞飛四米，頭部重傷命危。其父嘆道：「佢（兒子）成日掛住講電話，知佢遲早出事！」並投訴現場乏行人過路設施，有前區議員指曾建議改善路面，但運輸署懶理。

姓劉男生乳名「阿洛」，居住石排灣邨，就讀余振強紀念第二中學一年級，他考試獲全班第一，更獲第一學期成績優異同學獎及十月模範生獎，又是田徑及籃球健將。

運署漠視改善路面訴求
昨晨阿洛返校練波後，至上午十一時許乘巴士返家，當他抵達漁光道巴士站落車，疑仍忙於煲手機，並由巴士車頭步出馬路，剛巧一輛搬屋密斗貨車落斜從鄰線駛至，姓邱司機（四十九歲）猝不及防，收掣不及將他撞倒，飛彈四米引致頭、鼻、右手及雙腳受傷，昏迷不醒，經送院搶救，情況危殆。其父母聞訊趕抵醫院，劉父憂心忡忡稱：「佢成日掛住講電話，知佢遲早出事！」他指兒子下午已甦醒，頻呼好痛，醫生指腦有積血，但需觀察一天始知需否做手術。任職運輸業的劉父並抱怨意外現場並無行人輔助線，令街坊被迫亂過馬路，非常危險。

前南區區議員兼港島動力發言人石國強稱，現場人少路斜，車速會較快，曾發生多宗車禍，過往他曾建議運輸署加設防滑鋼沙及行人輔助線，惜一直未見落實。


我同小學一間 同佢幾年同一班
尋日知道佢入左醫院 好擔心佢..
希望大家入去支持
遊客無法瀏覽此圖片或下載點，請先註冊或登入會員。

LWL??

係呀!!您又知?

你中意果個女仔中意的男仔丫MA下化=3=??

你好似透露左人地個祕密咁.. btw, 希望你個兄弟大步欖過

呢2日係fb見到你同小賢係甘講-,-xd
不過聽講佢好似醒左啦可?希望佢可以快d好番同你地打學界;)