星期五「溏心」大結局，但老闆講明要 OT，阿爸又要我趕返屋企，注定係巴士睇唔到。3G 手機又未有直播 TVB 咁誇張，出個 Slingbox 又貴，好采大陸山寨廠手機己有電視手機款式，$1480 影相兼聽歌，買部唔肉痛，追「溏心」結局有望了。
山寨廠手機第四波 TV Mobile
大陸山寨手機廠，在短短半年，為香港帶來一浪接一浪的手機熱潮，繼水壺復刻、雙 SIM 機及三吋巨芒王，這些一線大廠都唔會做的手機後，電視手機將會成為下一個熱潮，講的不是 3G TV，是跟屋企電視一樣，用天線接收無線及亞視四大免費頻道。當中最有型的，是今次我們介紹的 CECT 吉利 M1818 ，價錢是一向山寨手機的平通街價，$1480 已買得到，超抵玩。
遊客無法瀏覽此圖片或下載點，請先註冊或登入會員。
三寸芒睇電視！爽！
電視手機不算新鮮，NEC 早在兩年前已在內地推出過 N940 型號，但我肯定這款 M1818 比它好得多，因為今時今日已轉用了超級 3 吋大芒，QVGA 解像度，能顯示廿六萬色彩，用來睇電視效果比現今任何一部 3G 手機更好。我們在旺角先達廣場門口測試，原來的觸控 Stylus，可以拉長變天線，即使附近有很多高樓大廈，接收畫質也合格有餘，全屏幕播放，新聞主播的面孔也清楚見得到。
遊客無法瀏覽此圖片或下載點，請先註冊或登入會員。
直身做型　唔誇張
M1818 可愛之處，是你不當他是電視機時，其實是一部大方有型的直身手機。跟山寨廠三吋巨芒手機一樣，屏幕已佔了四份三位置，但依然放得下 12 數字鍵。機背有一個一百萬像素相機，手機支援筆觸輸入，打 SMS 很快呢。
遊客無法瀏覽此圖片或下載點，請先註冊或登入會員。
手機略厚 好穩重
大陸有網站表示，M1818 只有 13mm 厚，但以真機觀察，點會有咁薄，估計都有 17mm 左右，這可能跟它內置 TV 接收器的關係。但最攪笑的，除了 USB 埠，手機居然有 TV Out，難度要把電視畫面，再接到大電視觀看？不不不！手機支援相片及短片拍攝，駁出大電視與人分享已而。而機頂的按鍵，一按即著電視，跟屋企電視機一樣方便。
遊客無法瀏覽此圖片或下載點，請先註冊或登入會員。
再講電視功能
難得電視介面好易用，跟 GSM 訊號一樣，手機會有指示旗仔，告訴你電視訊號強唔強，訊號太弱又會聲響提示。轉台都唔難，手機已有齊多個國家的頻道預設，揀對國家，不用自己搜台。手機更有 FM 收音機，並有錄音功能。
遊客無法瀏覽此圖片或下載點，請先註冊或登入會員。
三吋大芒 影相聽歌好棧
就算你不用 M1818 睇電視，三吋大芒一樣令你好開心，先讚主畫面十分簡約。小時鐘、日期、時間佔位不大，大量空位讓你的背景圖案靚靚地顯示出來。目錄圖示集九宮格及圖案二合一，十分美觀。三吋大芒連電子地圖也可清楚顯示，M1818 真係好強。
遊客無法瀏覽此圖片或下載點，請先註冊或登入會員。
若果你是一個普通用家，手機都有不少精采背景圖案，顏色很細緻。
遊客無法瀏覽此圖片或下載點，請先註冊或登入會員。
一如其他山寨廠手機，M1818 支援影相及短片拍攝，照片最大支持 1280 x 960 pixels，可五張連拍、四格拍攝，及 3GP 有聲短片。手機支援 MP3 音樂播放，也可做到背景播放，跟上 256MB MicroSD 可儲很多歌曲。
遊客無法瀏覽此圖片或下載點，請先註冊或登入會員。