講到地鐵站.唔知有無人聽過上環站的傳聞?

要講呢段傳聞,首先要講講上環站的設計.

其實如果你有出入過上環站,你可能會留意由售票處果層落到來回線月台.

中間係會經過一層無軌月台.

呢層的設計同一般的月台設計差唔多.兩邊都有供列車行駛的路坑…

但係出奇的就係無舖設路軌同用堅固的水泥磚密封….



至於點解….

話說當年地鐵港島西行線計劃的終站係去到西環堅尼地城.

而當工程去到上環站時.係無軌月台附近的位置竟然掘到大量人骨.

怪事亦都因此而發生…

首先係有工人見到好多小朋友同婦女係工地出現,繼而連續發生工業意外….

有傳聞話工程上址係三年零八個月時日軍作為亂葬崗的地址…

種種怪異的事件不斷發生…工程都被迫停止.

地鐵公司高層知道事態嚴重,就決定搵個風水師傅黎睇睇…

當師傅去到上址…唔知咩原因竟然心臟病突然暴斃.

而事情去到呢個情況,公司高層惟有終止發展西環站的工程.

而且更係上址搞左場大型法事.

最後就用水泥磚將所有路軌出入口封死….

時至今日就成為了一層…無軌月台





(究竟事情係唔係好似傳聞咁呢…..真係信不信由你!!)