2008-5-27 07:37 PM
♀傻↙火柴女°
求職陷阱-ISAWORKSHOP,,已有超過二十人上當
大家要小心一D,,如果你地係勞工處/招職見到ISAWORKSHOP(依紗維紗)的招聘時千萬唔好上當!!
呢間係一間呃錢既公司!!
如果你係佢果度返工,,起初會好地地,,但係你只要開一次每月的例會你就會發現你上當了,,
因為佢仲係一間新公司,,工作制度唔完善
而且係離職之後佢會扣你錢,,
見工時,,佢會俾底薪你,,之後會話有1000蚊既勤工,,1000蚊既合作獎和500蚊的車津再+佣金,,
但呢間公司只要你一日唔提出佢要幫你供強積金,,佢一日都唔會幫你供,,但會扣起你本應係用黎供強積金既錢
而且果1000蚊既勤工,,1000蚊既合作獎 佢會以好多種的方式和借口去扣番晒
我做左4個月,,1次都無出過呢D勤工和合作獎,,佢地會用你遲到//請假//你無打電話返公司報到等等的借口,,唔單止係無獎金出,,而且仲會扣底薪,,你成個月遲到過一分鐘,,佢都一樣會同你計!!而且OT係無錢補,,但係佢會簽約時講明係唔需要OT,,但事後會強迫你OT,,如果你唔OT佢就會提出通知要解顧你,,仲有例如單據唔齊;送多左禮品俾客人(但禮品係有得送的,,並不是如他所講的送多左)
而且離職後一直都出唔齊D糧,,我3月尾離職,,而且都仲要出唔齊D糧俾我,,直到我上勞工處追討,,佢都仲要拖到5月中先出左部分,,而且仲用多種的借口去扣左我4000蚊的人工,,即係我成個月既底薪都無晒咁滯
大家千萬唔好再上佢當,,而且呢件事我係我一個人遇到,,而係我問過好多個曾經係入面工作的同事佢地離職後都有同樣的遭遇!!!現在以我所知,,上當的人已經有廿幾個,,
2008-6-2 10:20 PM
stram
呢d藉口係大部份公司都會用黎對付一d成日遲到早退, 唔返工既職員架
"你遲到//請假//你無打電話返公司報到等等的借口"
至於佢幾時出糧就應該同返公司傾
我諗你都係算吧啦
以咁既態度打工, 永遠都做唔長
剩係要人地就你, 唉
2008-7-6 05:56 PM
「牙力。弘
咁賤o既公司:sYZ92E7: :sYZ92E7:
2009-11-27 04:52 PM
iamgoodgirl
我係呢間公司做左半年喇~
都唔覺有你講既問題, 仲覺得公司對同事好唔錯添!!
聖誕節有禮物收, 工展會又有飛送返比D同事.....
雖然我都試過比人扣勤工, 但真係因為自己遲到 & call sick ..... 簽約果陣都講明會扣$, 所以我唔覺得比人呃$囉!
你成日都遲到//請假//無打電話返公司報, 緊係比人扣$啦, 簽約果陣都寫明咁樣會冇勤工架啦!!
淨係識得話人, 又唔反省下自己......
公司而家都請緊人, 有興趣的sis都黎做啦!! ^^
2010-1-30 01:53 AM
Ohnosense
good girl, 你係呢間公司做左半年啦, 唔見你嘅, 走得咁快呀? 你講到咁好又唔見你留低係度做? 我走時個個都未過probate. 你做咩post?
你講到間公司咁好, 你係咪佢個女"粉絲"呀? 定"粉腸"呀? 邊個同事俾佢地睇中都即刻丁走啦!
隻狗婆火氣大, 更年期, 扮上菜, 露條波拿出黎都無人睇啦, 日日迫D同事洗眼, 無陰功! 個個係度做都係但求無過架啦, 有過你咪即死囉, 好簡單! 為佢賣命, 唔好傻啦! 佢唔會多謝你架, 問下幫佢做野個D公司啦, 多多要求又唔找數, 過時過節仲問你攞著數添呀!
間公司做左成六年啦, 個個都係新同事, 如果係好呀D同事點會走呀, 如果D product係得呀點會問親人都無人識呀, 呢佢老公個單料呀激到佢死個陣, 就最多人知佢係邊個, 過氣啦, 搵人識你呀? 留料咋. 扮名媛淑女, 呵!
邊個見到個招聘廣告諗住去見識下呀? 組團啦, 因為無三五七個鐘都唔駛旨意in呀, 坐到屎忽開花時, 最好圍埋鋤下dee先啦. 入到去見到隻狗婆, 千奇唔好驚呀, 樣子係驚嚇架啦, 不過佢好識得以快打慢, 打到你頭毛都散晒, 個個見完出黎都彷彷地, 鬼咩撞鬼麻...
壓你人工就梗架啦, 未過probate無福利喎, 唔可以請假喎, 無薪假都唔得架, 唔可以遲到早退就當然啦, 但仲唔可以走早過佢喎, 佢八點走, 你就無九點都走唔到啦, 多野做到嘔呀, 有時仲要陪笑陪食宵夜添, 衰過做三陪呀! OT梗係應份架啦, 你做野慢麻, 一定唔夠佢快架. 係呀第二日一早就無厘頭要搵人鬧架啦, 個個都鬧勻, 唔好以為避得過呀! 拿, 想避世呀, 避老婆, 避女友呀, 做呢間啦, 包你無時間見到佢地.
希, 今次見唔成工唔緊要呀, 佢地個個月都請人架, D post請咩唔緊要, 入到去乜都關你事架, 打雜啦, 替位啦, 總之隔離個同事走左個D野咪你做囉, 一日請唔到人你都咪駛旨意可以閃呀, 請到人番黎都無用喎, 個個見到佢發顛都怕呀, 希, D人轉頭都走架啦! D 野跟到亂七八糟, 然後入晒你數話你亂囉, 做唔到野囉, 好多人炒左啦, 唔炒都搵個份工走啦, 留係度做佢隻狗咩.
邊個捱得過probate, 真係要偷笑呀! 福利之一free goods 喎, 以為筍野? 過期架傻婆! 搽到你爛面呀! 有人投訴架, 你唔知咩? 升職喎, D title浮到呀都唔知個同事做乜架, 仲以為好勁, 咪又係sales, 又係merchan, 又係oa. 年假七日咁大把, 想放呀第二世啦.
喂, 仲有邊位同事要讚好架? 讚下啦, 我都想知點好法!
2010-2-4 07:32 PM
Ohnosense
又一傻婆上當! 希望你知道我講你!
我真係好想救救仍然係呢間公司做的同事, 以及剛剛到職的傻婆. 呢個傻婆究竟係見工前有無查過佢D資料架, 仲以為自己可以係農暦新年前番到工就可以穩賺幾日公眾假期呀, 太天真啦! 個隻狗婆又炒左個財爺啦, 仲有其他都唔多得佢心, 死得架啦, 最恐怖的事即將降臨於仲未陣亡的同事身上, 就係太子女回港, 會有乜事發生? 最好你就識得幫太子女"絕"腳趾, 洗底底, 做墊腳凳, 否則唔駛十秒就叮走你啦.
點死? 判你死罪的原因可以好簡單, 就係一句說話, 一個動作, 一個反應都已經夠死十次, 我唔係誇張呀! 拿! 有人因為個電腦唔生性, 個printer印唔出字, 狗婆唔開心就炒左啦, 仲有個無厘頭到, 因為狗婆老豆老母話點解成日都轉秘書的, 第二日個秘書就消失左啦, 仲有一個只係平日靜D, 說話謹慎D, 慢D就死左啦. 呢個世界無奇不有, 好多個死左都唔知咩事呀!!!
人地D公司係犯左好嚴重的錯先至會炒啫, 佢呀就只係唔鐘意你無佢批准放左個屁, 打字多左一粒點, 或者根本唔關你事架, 只係樓下個姑婆同佢講多左兩句, 咁橋入門口見到你唔順心咪死得囉. 俾人炒原來都算係對你不薄啦, 如果俾那個肥婆知道你有心辭職呀, 連七日補水都無埋呀, 蝕晒! 肥婆梗係會話俾狗婆知啦, 個同事都自己走囉, 慳番七日添啦, 兩頭蛇蛤蟆腳, 佢最叻套人料, 當佢係知心友乜都同佢講呀, 咪即係同狗婆面對面講, 每個無良老細身邊總有一隻走狗, 定律黎架, 小心D啦.
唉! 奉勸各位要死都唔好死得不明不白, 你專搵間搽死人化妝的去死, 唔通你真係咁唔要面? 唔講啦, 你要去死都無人阻到你, 咪放長雙眼睇下點?