fiona"情歌自選台"+小克!!!

有冇用moov??就可以聽la~~有聽既上黎分享下

轉帖now forum
請切換完整版來瀏覽圖片和連結
[b][size=4][color=#ff0000]小克插畫!

請切換完整版來瀏覽圖片和連結[/color][/size][size=2][color=#ff9900]阿琪(聲演薛凱琪)[/color][/size][/b]
[size=2]琪琪一個逃避面對爺爺離逝的女孩，狂戀音樂，這段黑暗日子一邊聽MOOV人人電台的「黑暗筆記台」而自我封閉起來，因為要實踐爺爺生前的遺願把他的插畫逐一scan進電腦內好好保存而生活突然癲倒起來。

請切換完整版來瀏覽圖片和連結[b][color=#ff9900]阿怪(聲演周國賢)[/color][/b]
為人古怪，午夜活動，熱愛音樂，但喜歡自彈自唱多過與人夾Band。基於外型與信心關係，加上失去爺爺，人也變得行屍走肉，直至遇上琪琪，重燃對身邊一切的興趣也尋回自己的理想。

請切換完整版來瀏覽圖片和連結[b][color=#ff9900]阿他(聲演高佬) [/color][/b]
沒有名字。一個結他插畫公仔，沒有主見，被別人認為是一名應聲蟲，但自知自己生命短速，不斷在MOOV人人電台爭取多聽自己喜歡的歌曲！

請切換完整版來瀏覽圖片和連結[b][color=#ff9900]阿Drum(聲演Jerry)[/color][/b]
沒有名字。一個外形是鼓的插畫公仔，音樂發燒友，不只是要聽歌而要唱、要做！

請切換完整版來瀏覽圖片和連結[b][color=#ff9900]阿Board(聲演Joey)[/color][/b]
沒有名字，一個鍵琴的插畫公仔，樂隊中最沉默的一位成員，創造他的爺爺為他的手指做得極為細致，故他是樂隊中對各種樂器也玩得非常出色！[/size]
[size=2][/size]
[size=2][b]故事大鋼[/b] :em21::em23:

一直與插畫師的爺爺相依為命的琪琪(薛凱琪)，因為爺爺去逝深受打擊，伴隨她的就只有爺爺所遺下的幾箱插畫和一個不停播放各類音樂的「人人電台」。

某夜琪琪醒來發現竟然多了幾個會說話的樂器(鼓、結他、鍵琴)，他們原來是由插畫變身面成，是爺爺留下給她的最後禮物。他們成了朋友，更開始夾band，由琪琪做主音。可是琪琪喜歡pop，但他們只懂搖滾與老歌，因而產生了音樂上的衝突。

三位樂隊成員忽發奇想，叫琪琪找一個有心人把他們的音樂與插畫發揚光大，結果琪琪找來阿怪，他是爺爺的孫兒。

阿怪為記念爺爺而希望在舊區清拆前的最後一夜在天台開一個小型演唱會，可是演唱過後，琪琪與樂隊突然消失了，阿怪認為琪琪是去了他方繼續追尋自己的理想！

某日，阿怪在東京街頭自彈自唱時，在人群中發現了琪琪的身影......[/size]

請切換完整版來瀏覽圖片和連結請切換完整版來瀏覽圖片和連結

第一集全集欣賞!!!希望大家鍾意

[color=Purple]第一集 part 1[/color]

琪琪：login .....password.....
(一陣按打電腦鍵盤的聲音)
琪琪：Uncle V，追了你的連載故事已有好多年，最近遲遲未見你的作品在雜誌刊登，是轉到別的報紙雜誌去嗎，還是忙於其他事兒？
Uncle V，容忍有個限度，三個樂器人剛開始與讀者見面你就斷稿，這是甚麼把戲？是宣傳上的策略？還是沒有靈感？如需要幫助小弟可以獻獻計！
Uncle V......

[i]我唔記得我幾耐冇講過野...好似係一個禮拜...好似係兩個月，總之由自從Uncle V o既四格連載漫畫斷稿之後，我就乜野都冇講過...唔想講、都冇乜野好講，更加搵唔到想傾偈o既對象。每日我剩幫Uncle V check E Mail。讀者E mail裡面o既Uncle V就係我爺爺！以前，我會坐爺爺身邊睇佢畫畫，爺爺雖然六十歲，不過一D都唔out，佢好鍾意上網去人人電台度聽歌，一邊聽歌一邊畫畫.... 爺爺過身之後，剩低落黎o既就只有好多好多張插畫，我應承過佢要幫佢將所有插畫scan入電腦，估唔到,我真係的起心肝scan o既時候，爺爺已經唔o係我身邊.... (Scanner啟動的聲音)[/i]

琪琪：爺爺剩低o既三千二百五十五張插畫，我真係唔知要用幾多時間去scan，每執起一張爺爺畫o既畫，我都會好細心咁睇一次，一路聽住歌一路睇，有時好似只係睇o左一陣間個天就光晒啦！我已經唔記得日頭個世界究竟係點，每晚就係聽歌，睇畫，scan..... 雖然我知爺爺成日上o既人人電台有六十條唔同音樂o既頻道，但係o係哩段日子裡面、我就一直都係鍾情o係專門播d好頹廢好黑暗0既音樂，一個叫黑暗筆記o既音樂台裡面！
(Scanner啟動的聲音，配以一些頹廢黑暗的音樂響著)
琪琪：第三千二百五十二張.... 噫？點解哩張會係白紙黎o既？...我冇數錯喎！明明一共有三千二百五十五張畫架？點解最後哩幾張....
(背境音樂突然由頹廢黑暗轉至拉丁音樂類型的頻道)
琪琪：邊個？邊個搞我部電腦？
G：你聽o左個幾月哩D頹廢黑暗o既音樂，係時候轉下啦！
琪琪：...你地係邊個呀？點解會入o左o黎架？...你地唔走我即刻報警架！
D：你唔駛咁緊張，我地係想叫你轉下歌o者！
琪琪：你地擅闖民居... 我報警！
G：小姐，哩度成條街都要拆，已經封哂做禁區，照道理你都唔應該o係度喎！
琪琪：你地想點呀？我嗌架，我D高音好犀利架！
B：(搶說)我地冇乜想點，我地剩係想你轉下台0者！人地個Moov人人電台有六十條channel，你就剩係一味聽哩條頻道，好悶o架！
琪琪：關你地咩事呀？
G：同音樂有關o既就關我地事！
琪琪：我o係度聽歌都關你地事？你地究竟係邊個呀？
B：喂、我地係邊個喎？
D：講出黎驚嚇親你喎小姐！？
琪琪：你地係咪又係匿埋o係哩棟舊大廈....
D：你可以咁講o既！
琪琪：我係問你地係咪匿埋o係哩棟舊大廈o既道友呀！？趁有人就想打劫！
G：我地唔係道友，係Band友！我地更加唔係想打劫，我地係想打Band！
琪琪：有乜證據你地唔係壞人呀？我又唔識你地！
G：小姐，我叫阿他、玩結他o既(兩下結他聲)，佢係鼓佬阿Drum (兩下鼓聲) ，佢就叫Bass(兩下按bass的聲音)...
(結他、鼓、bass夾了一小段樂曲)
琪琪：(驚慌)點...解..你地三個冇樂器o係手都會有聲出o既....(驚惶尖叫) 呀!

去moov 聽 :em37::em37:請切換完整版來瀏覽圖片和連結

[[i] 本帖最後由 lilyl0804 於 2007-7-4 01:20 AM 編輯 [/i]]

[box=#990000]第一集 part 2[/box]

G：估唔到佢咁都會暈低！
B：係啦！
D：阿他呀，係咪我地跳出黎嚇親佢呀？
G：唔係掛，佢見唔到我地o係D畫度跳出黎架喎！
B：係啦，佢都見唔到我地跳出黎。
G：我地已經睇準時機跳出黎架啦，再唔出黎我地就一世都俾佢scan入電腦，仲要焗住聽佢揀果條黑暗筆記台o既音樂架啦！你係咪想咁呀？
(背境音樂轉)
G：喂阿Drum你搞咩呀？
D：我見Uncle V之前都係咁click哩個人人電台咋！
B：哩條咩頻道黎架？
D：呢個叫加油組台，專播D勵志歌0既。
B：喂，佢醒啦！
琪琪：...... 你地究竟係咩人黎？...點解會o係我爺爺間屋度o架？......
G：我地講俾你知你唔好暈得唔得先？
琪琪：... 你地唔係鬼呀嘛？....
B：我地唔係鬼~~。
琪琪：咁你地係咩呀，點解你地又冇樂器個咀又冇郁... 但係又有結他聲，鼓聲咁~~~
G：即係咁(一陣結他聲)
D：我而家同你講緊野，我對手又o係你面前無郁過(一陣鼓聲)
琪琪：係呀係呀.....
B：我地三個企係度唔郁都可以夾Band...
(結他、鼓、bass夾了一小段樂曲)
琪琪：你地身後面冇錄音機o既？
G：梗係無啦！
琪琪：咁...你地仲唔認係鬼？
G：你摸下我地啦！
琪琪：唔摸！
B：係呀，摸下我地啦，你睇下摸唔摸到我地先！
琪琪：我唔摸呀~~~
D：咁我地摸下你啦！
琪琪：~~~~呀

[box=#CC3333]第一集 part 3[/box]

G：三隻手摸到你個頭，你感唔感覺到？！
琪琪：... feel到啦縮開你地隻手啦！究竟你地係咩人你地想點呀？
G：我地係你Uncle V筆下畫o既公仔！
琪琪：究竟你地想要幾多錢？多我都冇，我得幾百蚊o係身咋，你地擰去啦！
B：冇人問你擰錢喎！
琪琪：你地未開口o者！跟住你地就會話因為你地同我爺爺之間o既關係，你地可以幫佢祈福，到最後都係要錢。
G：我地冇講過要錢
琪琪：(搶白) 我寧願你地要錢，如果唔係我唔該你地唔好擰我爺爺黎玩，更加唔好用佢d畫o黎講笑！
G：既然你咁認真，我地都好認真咁話俾你知，我地因為驚你會scan我地入部電腦度，所以我地先跳出黎，如果你唔信，我地都冇辦法！
琪琪：o下，你地真係....
G：o拿! 我地對手o係度，個口冇郁，背後都冇錄音機
(結他、鼓、bass夾了一小段樂曲)
琪琪：你地真係爺爺最後畫o既樂器人！？
G：我地三個其實都冇名，不過我係結他，所以佢地叫我阿他！
B：我係Bass，你可以叫我Bass！
琪琪：你係鼓佬，所以叫阿Drum。你地跳出黎就係要我唔好scan你地入部電腦度！
G：係。不過仲有，我地想話你知音樂唔只得一種！
琪琪：不過我而家剩係鍾意聽哩種！哩種就係頹廢黑暗！咁係咪都要你地管呀？
(背境音樂轉回頹廢黑暗)
G：人地個人人電台有咁多台，你剩係聽哩條，你唔覺好o徒架咩？
琪琪：我鍾意呀，你地理得我呀？！你地係插畫公仔黎架咋，點解你地咁多事架？
D：我地覺得你再係咁唔開心，Uncle V o係上面知道o左會唔開心架！
B：直接D講我地真係頂唔順啦！你焗住我地o係一個冇燈冇冷氣剩係得D蠟燭光同唔停o既頹廢黑暗音樂入面，再唔跳出黎我地三個都會做傻事呀！
G：我地唔想你做傻事呀！
琪琪：你地三個好多事呀！你地返入去呀！我仲爭你地幾張，我scan完就~~~
G：你scan完就點呀？
琪琪：我scan完就~~~~
G：Drum你開燈啦！
琪琪：哩條街就拆，冇水冇電，D電係偷偷地駁過o黎o架!
G：Bass你快d去轉台啦！
琪琪：我部手提電腦就冇電，你唔駛再轉台，佢自己就o黎停架啦！
G：你真係諗住scan埋我地哩幾張就咩呀！？
琪琪：就咩囉！
G：我地未完架喎！
琪琪：未完乜野呀？！
D：我地個故仔未完呀！
B：咪係，我地o岩o岩出場，你就想咩？
琪琪：我唔知你地講咩？！
G：你知唔知Uncle V畫我地出黎係想點架？
琪琪：想點呀？
B：你唔係Uncle V個靈感小孫女o黎o既咩？
琪琪：爺爺都走o左...... 我有咩靈感都冇用啦！
G：我地個故事未完，我地唔可以就咁俾你scan入電腦！我地個故事最後係點o架?
琪琪：講出黎有乜用呀，都冇人可以再你地個故仔畫落去！
G：你講。
琪琪：我講完你地係咪跳番落張畫紙度呀？
G：係！
琪琪：你地係一隊樂隊，幾個都係樂器人，你地唔想再淨係幫人地伴奏，所以決定出走，為自己唱一次歌，最後~~~~~
B：最後點呀？
琪琪：未諗到！
G：咁即係話我地個故仔完之前我地要為自己唱一次歌！
琪琪：係！咁你地可以入番去啦！
G：但係我地咩都未做喎？
琪琪：你地仲可以做D咩呀？
G：為自己唱一次歌！

(第一集完)

  去moov 聽 (按此)

去moov 聽   請切換完整版來瀏覽圖片和連結

[[i] 本帖最後由 lilyl0804 於 2007-7-4 01:23 AM 編輯 [/i]]